2025 жылдың 20 қыркүйек күні сағат 10:00-де Шымкент қаласының Орталық демалыс бағында Қазақстан халқы Ассамблеясының және «Достық» қауымдастығының 30 жылдығы аясында ауқымды мәдени іс-шара – «Өзбек халқының тілі, мәдениеті және дәстүрлері мерекесі» салтанатты түрде өткізілді.

        Мереке барысында өзбек халқының бай мәдени мұрасы, тілі мен дәстүрлері кеңінен насихатталып, қонақтарға этномәдени көрмелер, ұлттық әндер мен билер, сондай-ақ қолөнер туындылары ұсынылды.

       Сонымен қатар Шымкент қаласындағы бірқатар орта білім беру мекемелерінің кітапханаларына көркем әдеби кітаптар тарту етілді. Бұл – жас ұрпақтың білімге құштарлығын арттырып, олардың рухани дамуына үлкен үлес қосатын игі бастама болды.

     Іс-шараға «Оңтүстік Қазақстан» және «Әдебиет және өнер» газеттерінің редакциялары қатысып, ақпараттық қолдау көрсетті.

     Бұл мереке – халықтар достығының, мәдениеттер тоғысының және ел бірлігінің жарқын көрінісі болды.

     Шымкент Қаласының Білім Басқармасына қарасты  Жүз Он Екінші Мектебінде Қазақ тілі мен Өзбек тілі апталығы басталды. Апталық 16–30 қыркүйек аралығында өткізіледі.Бұл мерекелік апталық – достықтың, татулықтың, мәдениет пен руханияттың жарқын көрінісі болды.

    Оқушылар ұлттық ойындар ойнап, сұрақтарға жауап беріп, жұмбақ шешу арқылы өздерінің зеректігін, білімін көрсетті.

    Дәстүрлі ас мәзірі ұсынылып, бауырсақ пен құрт таратылды. Бұл тағамдар – халқымыздың кең пейілін, дастарқан берекесін айшықтады.

     Шара барысында шырқалған патриоттық әндер жас ұрпақтың жүрегінде елдік рухты оятты.

    Арнайы ұйымдастырылған шағын музей бұрышы тарих пен мәдениеттің тереңінен сыр шертетін құндылықтарды паш етті.

 Бұл апталық оқушылардың бойына ұлттың рухани байлығын дарытып қана қоймай, көпұлтты еліміздің татулығы мен бірлігін сезінуге мүмкіндік берді.

 Тіл – халықтың жаны, мәдениет – елдің айнасы. Осындай шаралар арқылы жас буын өз тамырын танып, болашаққа сеніммен қадам басады.

       Шымкент Қаласының Білім Басқармасына қарасты Жүз Он Екінші Мектебінің оқушылары Қарағанды қаласында өткен республикалық «Алау» жас сарбаздар жарысының финалдық кезеңіне қатысқан жас сарбаздары аман-есен мектепке оралды!

     Бұл додада шәкірттеріміз мол тәжірибе жинап, өздерінің тәртібімен, ұйымшылдығымен, әскери дайындықтағы білімімен ерекшеленді.

Оқушыларымыздың бойында отансүйгіштік рухы, қайсарлығы мен табандылығы артып, үлкен жеңістерге деген құлшыныс қалыптасты.

     Біз мақтан етеміз!

     Осы сапардан алған тәжірибе — жас сарбаздарымыздың болашақтағы жетістіктеріне үлкен негіз болады.

        Жас сарбаздарымызға — әрдайым сәттілік, биік белестер, жарқын жеңістер тілейміз! 

      Қазақстан Республикасының Оқу-ағарту министрлігінің ұйымдастыруымен 2025 жылдың 5-13 қыркүйек күндері аралығында республикалық деңгейде өткен «Алау» әскери-патриоттық жастар ойынының финалына №112 жалпы орта білім беретін мектебінің оқушылары қатысып қайтты.

      Бұл жарыс жасөспірімдер арасында елжандылықты арттыруға, батылдық пен табандылықты шыңдауға, ұжымдық жауапкершілікті қалыптастыруға бағытталған маңызды шара.

       Ойынға қатысушылар:

 Шонезаров Шахзод

 Махаммадиязов Камолиддин

 Әлібек Ерасыл

 Худайберганов Жахонгир

 Алимжанов Жавохир

 Мирасханова Рухсора

 Орманшикова Шахруза

 Бабаназаров Бахадир

 Алярбеков Азизбек

      Жетекші: Фазилиддин Талиббаев

      Барлық қатысушылар «Жас Алаш» командасының құрамында бақ сынап, мектеп намысын қорғады.

     Сонымен қатар, оқушылардың қауіпсіздігін қамтамасыз ету мақсатында ата-аналардың сенім хаты негізінде жауапты жетекшілер бекітіліп, іс-шара жоғары деңгейде ұйымдастырылды.

       Мұндай байқаулар – жас ұрпақтың бойына патриотизмді, тәртіпті, ептілікті сіңіріп, олардың болашақта ел қорғаны болуына үлкен үлес қосатыны сөзсіз.

      Оқушыларымызға алдағы уақыттағы жарыстарда сәттілік пен жетістіктер тілейміз!

Шымкент Қаласының Білім Басқармасы қарасты Жүз Он Екінші Мектебі Ұлы ақын, кемеңгер ойшыл Абай Құнанбайұлының 180 жылдығына орай мектебімізде “Абайды бірге оқимыз” атты көрме ұйымдастырылды. Бұл шараның басты мақсаты – Абай мұрасын дәріптеу, оның терең ойлы шығармаларын жас ұрпаққа насихаттау және оқушыларды ұлы тұлғаның рухани құндылықтарымен сусындату.

Көрмеде Абайдың әртүрлі басылымдағы шығармалары, ақын туралы зерттеулер, оның өмірі мен шығармашылығына арналған суреттер мен иллюстрациялар ұсынылды. Сонымен қатар, оқушылар Абайдың қара сөздерін, өлеңдерін оқып, өз ой-пікірлерімен бөлісті.

Бұл шара оқушыларға Абайдың даналығын терең түсінуге, оның мұрасының маңыздылығын сезінуге мүмкіндік берді. Абайды оқу – ұлттың рухани жаңғыруы екенін ұғынған шәкірттеріміз көрмеден үлкен әсер алып, ақынның еңбектерін одан әрі зерттеуге қызығушылық танытты.

Абай мұрасы – мәңгілік!

АПҚ ОРТАЛЫҒЫ САБАҒЫ

Шымкент қаласы білім басқармасына қарасты Б.Садықов атындағы  №112 жалпы орта білім беретін мектебінде 03.02.2025 күні мектептің 11-"А" сынып ата-аналарымен сынып жетекшіСі Мирхаджиева Г  "Ата-аналарға қолдау көрсету орталығы"ның жоспарына сай   "БАЛАНЫҢ ЖҮРЕГІНЕ ЖОЛ ТАБУ АТА АНАНЫҢ МІНДЕТІ" тақырыбындағы кезектегі тренинг сабақ өткізді. Іс-шараға 13 ата ана қатысты 

Іс-шараның құндылығы: Ата-аналардың жан ұядағы бала тәрбиесіндегі жауапкершілігін арттыру, бала мен дұрыс қарым қатынас орнату, жанұя ынтымақтастығын нығайту.  

Жастар денсаулығы – ұлт болашағы!

Шымкент Қаласының Білім Басқармасы қарасты Жүз Он Екінші Мектебі жасөспірімдер арасындағы репродуктивті денсаулық мәселелеріне арналған “Денсаулық сағаты” өтті. Бұл шараның басты мақсаты – жас ұрпақтың салауатты өмір салтын ұстануын насихаттау, жыныстық қатынас арқылы берілетін аурулардың алдын алу, ерте жүктіліктің қауіптілігін түсіндіру және түсік жасату зардаптары туралы кеңінен ақпарат беру.

Кездесу барысында арнайы медицина мамандары жасөспірімдерге маңызды кеңестер беріп, олардың көкейінде жүрген сұрақтарға жауап берді. Сонымен қатар, “Болашаққа көзқарас” тақырыбында жиын  ұйымдастырылып, еркін пікір алмасу жүргізілді.

Ұйымдастырған : Гульчехра Эрметова

                                Минаввархан Ашурметова

Жергілікті №12 емхана мамандары

Осындай шаралар – жастардың денсаулығын қорғау, ақпараттандыру және дұрыс таңдау жасауына бағыт-бағдар беру үшін өте маңызды. Өйткені салауатты ұрпақ – жарқын болашақтың кепілі!

Жасөспірімдердің денсаулығы – қоғамның басты байлығы!

Шымкент Қаласының Білім Басқармасы қарасты Жүз Он Екінші Мектебі психикалық және репродуктивті денсаулық, тәуелділік мәселелеріне арналған “Денсаулық сағаты” өтті. Шара барысында оқушылар маскүнемдік, нашақорлық, құмар ойындарға тәуелділік (лудомания), өзіне-өзі қол жұмсау, кибербуллинг, қорқыту сынды өзекті мәселелердің зияны туралы жан-жақты ақпарат алды.

Ұйымдастырған:Гульчехра Эрметова

                               Минаввархан Ашурметова

Жергілікті №12 емхана мамандары 

Білім беру мекемелерінде мұндай тақырыптарды көтеру – жасөспірімдерді қауіпті әдеттерден сақтандырудың маңызды қадамы. Мамандар оқушылармен ашық сұхбат өткізіп, олардың сұрақтарына жауап берді, сондай-ақ зиянды тәуелділіктердің алдын алу жолдарын талқылады.

Осындай шаралар жастардың өмірге деген оң көзқарасын қалыптастыруға, өз болашағына жауапкершілікпен қарауына ықпал етеді. Салауатты ұрпақ – жарқын болашақтың кепілі!

 05.02.2025

Шымкент Қаласының Білім Басқармасы қарасты Жүз Он Екінші Мектебі

Онкүндік жоспар аясында ерекше шара өтті! П.Джолдасова мен Д.Юлдашевалардың ұйымдастыруымен “Ертегілер әлеміне саяхат” атты қуыршақ театры қойылымы көрермендерге ұсынылды.

 Балалардың қызығушылығын оятқан бұл қойылым ертегілер әлемінің сиқырлы есігін ашты!

 Түрлі кейіпкерлердің әсерлі сахналануы арқылы оқушыларға ізгілік, адалдық және еңбексүйгіштік сынды құндылықтар насихатталды.

 Қойылым барысында балалар тек тамашалап қана қоймай, өздері де кейіпкерлермен бірге оқиға желісіне еніп, ертегілер әлемін сезінді.

 Қуыршақ театры – балаларға тәрбие мен білім берудің ерекше тәсілі.

Бұл шара кішкентай көрермендерге қызықты әрі танымдық әсер сыйлап, олардың шығармашылық қабілеттерін дамытуға өз үлесін қосты.

2025 жылдың 20 қаңтарында “Б.Садықов атындағы №112 жалпы  орта білім беретін мектебінде” 5-11 сынып оқушыларына теміржол көлігі нысандарында қауіпсіздік ережелері бойынша түсіндірме жұмысы жүргізілді. Бұл шара Шымкент қаласы білім басқармасы, Қазақстан Республикасы Ішкі істер министрлігі Көліктегі полиция департаменті, Шымкент станциясындағы желілік полиция бөлімінің №1-5/107/98-И хатына сәйкес өткізілді.

Кездесу барысында мектептің ДТІЖО Г. Эрметова мен мектеп инспекторы М. Тогаев оқушыларға теміржолдың аса қауіпті аймақ екенін, сол себепті ересектердің қарауынсыз темір жолды кесіп өтудің өмірге қауіп төндіретінін ерекше атап өтті.

Негізгі мәселелер:

 Теміржол бойында жүрудің қауіптілігі;

 Кәмелетке толмаған балалар арасында жарақаттану фактілерін алдын алу жолдары;

 Рұқсат етілмеген жерлерден теміржолды кесіп өтудің салдары;

 Қауіпсіздік ережелерін сақтау қажеттілігі.

Оқушыларға нақты мысалдар келтіріліп, видео және суреттер арқылы теміржол бойында орын алған жағдайлар мен олардың ауыр салдары түсіндірілді. Түсіндірме жұмысы барысында оқушылар өз сұрақтарын қойып, пікірлерімен бөлісті.

Бұл іс-шара балалар арасындағы қауіпсіздік мәдениетін қалыптастыру және жарақаттанудың алдын алу мақсатында ұйымдастырылып, оқушыларға темір жолдың қауіптілігі туралы маңызды ақпарат берді.